書展

今日又一個人去左書展，今年去的心情唔同左，十一點去到，行左一號館。今年想買的書好多，但最後都係忍左手，淨係幫ＪＩＭＭＹ買左本『６０歲的情書』，哈哈，祝佢６０歲前找到情人送她情書啦。見到衛斯理，又忍唔著去看一看，話哂都有感情嘛，睇左咁多年。但內容真係唔太記得啦。跟著睇下有咩新書，諗著買一本係講政治（跟得阿ＪＯＥ多），但找不到。去２號館，肚餓，買左”章魚小丸子”，哈哈．買個時都覺得個名好騎呢，但又諗唔起墨魚丸三個字。去到二號館，行行下撞到一對橙色情侶，安安加寶寶，哈，第一眼望到阿寶個時，竟然要諗一陣，識佢咁耐都未試過，係唔係做空姐之後個個皮膚都會變差呢？恩愛的小情侶，一齊行書展，都幾好～６月第５次自己行書展，年年都話下年要找女朋友一齊去，哈哈．年年都一枝公咁去，但今年心情唔同左，行得好舒服，係最衰荷包乾涸，冇錢買書。本哈利波特要成１６３大元，真係幾貴！見到本”我的驕傲2”MANI寫的，看左陣，幾無聊，放低再行過。有幾本書真係想買黎看看，一本係”深夜小狗神秘習題”，另一本係”殺死99隻貓的少女”。如果有人買左記得借我看看。還有一本電車男......太貴了!!!!!

如果你問我點解要一個人去書展，我有一套官方答案。但實際上，我想在人群中再遇見你。三年了.......