如果我們在戀愛

近日找返D舊歌出黎聽，對我來說，Kelly呢首歌是最深刻之其中一首。記得以前我也用過來寫Blog，最愛最後一句：

那天 落力地挽救 　自量地分手 都有傷害
不肯離開 跟你是否還在 戀愛?

尋日去左德福食飯，經過都唔睇醫生....諱疾忌醫呢個字，真係啱用在我身上！跟著返左屋企食飯，再出左旺角，陪阿Sa行街買衫。行到累，又再搭西鐵返元朗。計埋今日，我已經搭左3日西鐵了。看來，下個月張全月通，真係冇得走雞了。

今日就看了豬俠3，幾好看。星期日睇埋2，就睇哂成個Series啦。其實我都好鍾意睇戲，但我不想一個人看。

MK Sushi One

尋晚去左旺角一壽司，10:00pm後半價，同肥娜等左1個鐘先有得食！Edmund推介，真係幾好味，但半價後都要130蚊，我地真係食得好瘋狂。真係好味！同CWB個間峰壽司有得揮～

開始習慣了在車上瞓覺，前排都未瞓得著，但在車上冇野做，瞓覺係最好的活動。睇黎真係要買返部NDSL啦，等我在車度都有嘢玩下。

依排成日高追左D股票，雖然唔多，但都有D心痛，仲要留錢抽百麗同後面幾隻。I hope I can leave before bubble "BOMB"!!!

我們都需要勇氣...

需要勇氣去改變.....
到了這個年紀，還未拍拖的男子，真的很難找到女朋友。又或者，我需要勇氣去改變現狀吧？

前晚，約左中學Friend去泰簡單食飯，講起呢樣野。到了這個年紀，未拍拖又係能接受成為伴侶的，又有聯絡的，只剩1個。

大面可愛動人的Polly...................Oh my God！
Polly，你擇Jimmy啦，我寧願孤獨終老。一個人也不是壞事。
看來，真係要參加 Match Party同大力度加入友緣人。

搬左入元朗咁耐，有野想講：
1. Cheap東，你快D返天水圍啦，冇人同我在元朗食飯。
2.開始學煮食，有冇白老鼠？

一直以來我都在逃避一樣野

有很多事，我是知道的。我係知道的，只係唔想呢一個係事實。所以我一直逃避。呢兩個多月就當補回之前的創傷吧。從今天起，要面對事實，珍惜現狀。

明天開始，不再扮傻仔了。做回自己，對勝利和前途，執著一點吧。


Manchester United is the Champion!

置富半日遊

我諗都至少12年冇去過置富，經過都有，但唔記得點解經過。個度環境真係唔錯，中產環境，近數碼港(雖則要經華富再落)。不過再土瓜灣去，都要成1hr 10mins。搭船過北角再轉38，返黎就970X轉2E。不過，今日都出左少少問題，真失敗！可能要再去添～！如果由元朗入，應該搭968轉咩車呢？遲ｄ先查。

出左魔法老師17期，好看！赤松健的漫畫真係好有水準。

買左個新Wen-Cam，終於買返個CCD的，希望似以前嗰個咁清啦！

等級要提升

今日再去百佳，買齊生抽，老抽，食用梳打粉，栗粉，糖鹽，薑，紹興酒！買左金菇，雞柳，明天試整一味！

之前試過整金菇+番茄炒蛋！冇落調味料下，味道都一流！依家最醒係煎餃子...我要學識整餸！！今日先整左薑汁酒先！

阿昶，加油！你等待的黎明就快到了！明天中左7000萬六合彩就會黎啦！

睇黎今次又是自作多情了～

失敗者的明天

從來，我都不會選擇一條適合的路。我感覺自己走了很多錯的路，到現在走過的路，錯比對更多。感到這些年來，錯了很多。

這兩個月，想了很多。想通了很多，但問題又增加了。我會很珍惜呢兩個月。我已經選擇去忘記，希望，由今天開始，這是個正確的選擇。

「如果，我現在正在走往死亡之路的話，我希望在一百天後，可以選擇忘記。」
「這是命中註定的。妳是天使，天使總要回到自己的地方。但可惜的是，我倆今天開始要 註定分離，直至永遠，因為我知道，地獄的名冊已寫上了我的名字了。如果天堂離人間相距一萬光年的話，我們的距離只會越來越遠。」

永遠記著我呢生人最重要的一句話：「要越過黎明前的黑暗」