又開始懶了

基本上，呢幾日真係冇咩特別，去左睇鉄道凶靈，一般般。又回到君悅，繼續開OT。今日3983終於開車，繼續Gogogo啦！再努力一點吧，阿昶！

我還有機會再見到妳嘛？

由星期6開始

小弟真的很忙......但我真的不知道為什麼會忙......
由星期6開始，約Edmund 東 光等人食飯，有一個突然但又已經接受的消息。有些東西真的需要終身學習。食完飯，去左網吧打尤里，好久也沒有打過了，很久也沒有這樣了。還有，多謝你，Polly。

星期日，上完堂之後，就約埋成班去影畢業相，買左紮花俾阿強同Tinner影相，去完Poly再去City，去完影完食EXP，超級累，回家，瞓.....

星期一二，照常返工食飯，回家。換左對nike，因為著左3日就爛左。

星期三，放左工，去左銅鑼灣食泰國野，幾好味，Cherie生日慶祝，本應高興，只不過那天真的沒有心情。

今日阿嫲生日食飯，明日有空再寫。

好多野想做但係又做不到

好多野好想去做。做裝多一條寬頻線，可以用黎玩Fon玩Wireless，想買個NAS玩玩，我從來唔覺得呢D野冇用！點解我唔可以擇我興趣黎做我鍾意的野？我決定左，找到個friend就會搬出去住，我希望過我自己的生活！

誰都猜到我喜歡你吧

今日真係完全失常。由搭上12A的一刻，走到南昌大堂，入閘上電梯，到上車關門之後，看看顯示屏，都不覺得有任何問題......
直到地鐵那熟悉的聲音，說出下一站係奧運站......
至少5處我能發覺我搭錯車的地方，我都唔發覺。我都想知自己發生什麼事？完全失控。
不可能的錯誤，一切應該如常的生活，我也想知我發生什麼事？

突然好鍾意呢首歌.....

早瞓早著

尋日並唔係特別累，但破紀錄的10:00pm就瞓左。
近期情緒真係好有問題，搭巴士時勁想快D到站，勁辛苦。
個Broadband終於回復正常，鬆一口氣。
勁想離開新世界。

誤會

今日第一日返NMC，超級悶 ，基本上都冇學到D咩。回家搭川龍街小巴，好久沒有到荃灣了，雖然只是經過。12蚊，唔使轉車方便快捷。今日整寬頻，整完仲慢左以前，睇黎都要繼續跟進跟進了。今日也決定了，明天開始不回家食飯，同埋努力找工，我不可以再停下來了，腳痛依然要走路，已不可再回頭了。你是我堅強的唯一理由......

今日夜晚接到銘銘的電話，問我一樣野。我發覺自己都是不夠成熟，如果我能夠答到「妳」的答案，到那天，我應該有資格去說愛「妳」。

將來的事，又有誰可以估計......妳說的每一句話，我都記得。

遺憾

今日約左基同佛出黎食飯，又到那一間焗飯專門店食。跟著到朗豪坊去......和那天一模一樣。有點辛苦，又想飲酒。突然好想買過所有野，衫袋鞋全部換哂佢，想看見另一個我......

對腳看來承受不起，今日成日在隱隱作痛。感覺自己開始成日行路撞到野，行路不規則。前幾日仲好似有飛蚊症.....可能我時日不多了。只要呢一生係過得有意義和無悔，死又有何憾？記得我好欣賞一句說話：完美的結局是很沉悶的，人生有一點遺憾，才值得人們去思憶和懷念。 霍爾金娜贏盡錦標，唯獨與奧運全能金牌無緣。花式滑冷皇后關穎珊也贏得６個花式滑冰錦標賽，唯獨尚久一個奧運金牌。生命中總會有遺憾吧，只分別於多或少。

我......太多遺憾了。

老狐狸

尋晚10:00pm就瞓左落床，都咩特別事發生。

只想記低尋日聽到兩個老伯的對話

A: ...... 到個日，將會有3個人在，即使有一個人出賣你，都仲有2個人，你大可放心。
B: 唔...當日耶穌就係俾一個人出賣就死左，在一班門徒，只係一個猶大出賣佢，耶穌就瓜左啦！
A: 哈哈，所以我到依家都唔信耶穌啦！

果然係經歷世故的老狐狸......

第二堂

前日打完牌，返到屋企就沖涼瞓覺，昨天一早就要去上堂。學點樣整炸鯪魚球同埋蘭花炒帶子。原來由點擇一包好帶子，到點醃帶子，最後點樣炒一味菜， 全部都係一門學問。今個星期有機會真係要入入廚房試試。一個好男人，應該要識埋點做飯......哈

隻腳仲係痛，都係去唔到Fitness著，留在家瞓足一日。尋晚一升，又要在抺眼淚。平靜的渡過一個週日。

人生就係將一副爛牌打好

忘記了寫下，昨天去了看中環舊天星碼頭的最後一面。只有一個感覺，景物依舊，人事全非。

今日頂更頂到11:30am，返到家12:15pm，瞓左兩個鐘，沖埋涼就出發。約左JimJim Cheap東同阿Paul去食飯+打牌，本來去Cheap Jim屋企打，但阿東由天水圍城出發，去東南的調景嶺需要2個多小時，他極力反對之下，我們就去了MK皇雀會打牌。如果我冇記錯，我應該係第二次去呢D地方。

我只可以講，我今日運氣奇差，見著我D牌，真係人都癲，但呢個唔係藉口。人品好，牌品自然好。好明顯，我完全唔識打逆境牌，牌品超差。人家說，情場得意就賭場失意，今日我都破埋呢個魔咒。如果人生就係將一副爛牌打好，咁我呢副爛牌，需要點樣打，需要幾好人品去打？是沉著應戰，還是一沉不起？由麻雀枱上可以看到人最真的一面，那我的一面，絕對不是天使的那一面。

今日對唔著JimJim，因為我的失誤。但後來發覺，我補救做得不夠好。唔夠細心，唔夠成熟，certified......隻6萬係我欠你的！

痛........腳

跑左第4日，隻腳開始承受不起，到夜晚隻右腳還在痛，看來是日需要休息一天了。

約左6叔去銅鑼灣食野，諗左好耐，最後去食沙嗲王......都o岩，兩個男人梗係食Cheap嘢，唔係邊有錢繼續買股票!

今日係我在酒店的最後一天，沒有感觸，不可以再留在這裡了，需要更多的空間去改變自己！再見了，PABX房！

想走一轉香港，想去睇大佛，昂坪360，濕地公園，林村許願樹，赤柱美利樓，元朗公園觀鳥塔。生日前，可以全部去一轉嘛？今年的生日，和昨年的應該不同吧。至少，沒有農民和我慶祝生日吧？

突然好想食85%的黑朱古力.......

缺席

我很想靜一下，想想自己的命運。自己已浪費了20多年的時間吧？突然很想重新開始。很少缺席聚會，但今天，我需要一刻的寧靜。

希望下一次，你可以見到另一個我。這是我的承諾。
為什麼我倆要友誼永固？

今日自己EQ太低，令自己失落了整個下午，原來放唔低就係放唔低......

全盛期的50%

繼續去Fitness room練體能，努力回到佳態，想回到全盛期的我。今日食左大家樂個輕盈餐，點知仲飽過我食個一哥豬扒飯。仲係好down，幾時先可以回復心情？不想做任何野

今日冇咩特別，我只想每一天過得開心點......
Be mature, Dennis......

真人都不喜愛我　神你不歡喜我迫我入了魔
 愛侶幾百萬　誰料我蠢得竟可重覆去犯錯 

重新開始

決定了，要努力改變。首先的是回歸當日的想法，改變自己。今天回到久違了的健身室，繼續練返個體能，發覺差過幾個月前好多，真係需要繼續努力了。

今日個市真係short左，升到上19100之後坐過山車返落黎，但我個隻就跌到PK，係時候放左佢，買返部電話啦。雖然減息之後放在銀行冇咩錢收，但呢個時勢，我真係看不透。

報名，渣打馬拉"蟲”，生日前要減15磅！這個是我的承諾。想要改變自己的形象，今日俾髮形師潑了一頭冷水，佢話:你都冇頭髮啦，改唔到啦！

.......Shxt!我諗係時候學下側田帶帽啦！

又大升..

今日個股市又癲左，大升近200點，一隻941就將恆指推到高峰。高處不勝寒，我諗係時候放左我D股票先，我覺得開始失控啦。獲利不多，但已很足夠。下一步要想想，如何改變自己的事業了。只靠份工和股票，不可能在09年前俾到天水圍的居屋的首期。繼續努力！

今日又看完一升，又想喊，但只是第４集。

今日在我的Blog加番個Blog Sound，我覺得好靚，遲D將我的聲音，放進Blog中。加埋有一些少修改，暫時在Sound度只有Fiona南瓜車。如果你是灰姑娘的話，希望下次再有人來接的是新郎的花車。

仲有一個星期就會離開君悅，總算學到嘢，至少呢一年，都算活得不錯。今日先查到有個女仔叫Karoline，最搞笑係佢兩次打黎一開口就講，我係香港君悅酒店。佢呢個中文名都幾好聽～仲有一個11樓個女仔，有一次在街見到，好面善，我問：你係？　佢答：君悅酒店　呢個名都真係幾多人叫！

返上Centre，座幾日，就努力找工！已經唔可以浪費時間了。

重複犯錯的一個星期.....

寫埋呢個週記之後，我會將我個Blog變回一個日記。呢一個星期，我感覺過得很長，亦很痛苦。

10月29日星期日
在花園街主場打羽毛球，很久沒有回到此處了。當年我就在這裡發跡，在這裡過著我的Repeat生活。這裡沒有大變，變得只有是我。或者我沒有變，只是時空不同了。我進步了嗎？
打左一個鐘，已經很累......我也覺我體質彷似下降，是愛得太遲嗎？

10月30日星期一

放假，本來約左Edmund等人食飯，cancel左，只有這天是平靜的，雖然，看完一升的眼淚，很想哭。

10月31日星期二

返工之後，多謝Clement帶我去見識見識，呢度唔方便講我去左邊。只可說，年紀不配，生不逢時！之後一班人去左銅鑼灣唱K飲酒，本來我唔想飲，但係.....
我為了一個誓言，所以說要滴酒不沾，但是，這天我飲了很多，頭也痛起來，玩得好癲，好開心。至少，呢一刻我感覺到，我更加需要及時行樂。頂唔順，1:30am在CWB退下，一生的酒氣，何以我會認得妳？

11月1日星期三

約左阿Bob食飯，好好好好耐冇見過佢啦。在Hall4個時，我真係過得好開心。快樂雖短，但很難忘。還想講一句，阿權，對不起。食完飯，去左太子一間Bar飲酒（又飲？）。我都唔記得左飲左幾杯，飲到最後，勁想湯，忍著搭12A，返到家，全屋都知我飲過酒，頂唔順，入左廁所就嘔了。當日很難過，我也很想問問自己，我是否受了一些刺激？
兩天的酒後，還是需要7:30am回到君悅.....

11月2日星期四

細佬生日，在家食飯，沒有特別。未買禮物俾細佬，但仲未諗到買D咩野.....

11月3日星期五

約左佢出黎，平應很平常，本來有些話應該對她說....

講講妳給我的感覺吧
妳給我的感覺是，很難觸摸，可以很了解，可以一D都不了解，可以很熟，可以很疏離。對妳的說話，我很記得，也很模糊。我在眼中看見你的笑容，但有時在心中感到妳的憂傷。妳很細心，很看通透所有事。你給我感到堅強，我也感受到你的溫柔。我知道妳不會看我的Blog，所以才寫下這些感覺。

任何人寫友誼永固，我都會很高興，但妳這深夜的短訊，也夠我整夜難眠。現在，我只想對妳講聲講一聲對不起。總會再見面吧，我只希望下一次見面，我會給妳另一種感覺吧！