我係死淨種....

在一間偉大的新世界公司裡，和我同期的所有兄弟已經離開，今日大佬仲話我係老大哥。我只係在酒店留左9個月咋，如果唔係處於兩難，我都想離開。我的將來會見到什麼？

浪費了2天假期!!

本來應該讀書，我竟然拿左黎玩同瞓！！
唉！阿昶，點解你咁冇恆心。

總結前呢幾日，所有重要的事：

1.終於可以同酒店最靚的姐姐傾計，好在冇口窒窒！
2.24真係幾好睇，有機會真係要借返DVD黎睇。
3.獄門塾殺人事件.......

如果有整個森林，我還是喜歡那一朵花。

終南山下,活死人墓,神鵰俠侶,絕跡江湖.

在forum見到人講呢句話，跟著就用google search下，我冇睇過金庸小說，但是鍾意玩金庸群俠傳，鍾意睇金庸電視劇。還記得第一套可以睇哂的電視劇（細個阿媽唔俾睇電視），就係古天樂同李若彤做個套「神鵰俠侶」，在1995年，我都係鍾意李若彤多個依家個個劉亦菲，因為小龍女應該係好有氣質的，李若彤真係靚+氣質都有的。但依家個套我就冇看啦，因為勁少看電視劇，都冇咩時間睇，加上返工唔定時，唔睇好過睇。當年李綺紅演郭襄，印象都仲好深。找番郭襄D資料，下面呢個網真係寫得幾好。

http://jinyong.ylib.com/snowtalk/show.asp?no=55319&ch=love

跟著找返當年神鵰D演員，找返10年前的神鵰資料，大家不停講劉亦菲點靚，但當年的李若彤，比她更有氣質。找返D演員資料，當年呢套野卡士都唔弱的，最差梗係古天樂啦，哈哈。仲記得陳啟泰拍完呢套就過左亞視，就大紅大紫啦。

古天樂 飾 楊過 李若彤 飾 小龍女 白彪 飾 郭靖
陳啟泰 飾 尹志平 簡珮筠 飾 陸無雙 雪梨 飾 李莫愁
駱應均 飾 黃藥師 張可頤 飾 程英 劉丹 飾 洪七公
黎耀祥 飾 老頑童 魏秋樺 飾 黃蓉 張翼 飾 公孫止
魯振順 飾 霍都 傅明憲 飾 郭芙 張延 飾 陸夫人
戴誌衛 飾 趙志敬 李綺紅 飾 郭襄 羅蘭 飾 裘千尺
李澤霖 飾 歐陽峰 陳安瑩 飾 傻姑 劉江 飾 武三通
黃智賢 飾 忽必烈 李桂英 飾 洪凌波 吳家輝 飾 武敦儒
李子雄 飾 陸展元 何潔珊 飾 完顏萍 李家強 飾 武修文
劉家榮 飾 金輪法王 蘇玉華 飾 公孫綠萼 詹秉熙 飾 耶律齊

膠

尋晚去左夜書展，我感到非常後悔。我11點半先放工，因為封哂路，所以我要走到出入境事務處，再走天橋入返中環廣場，再排長龍到鷹君中心。原來發現我係有捷徑走的，走左遠路，12點先排到隊。排左半個鐘到，應該係近12點半就入到去，但入面人實在太多，書就少看，只係看人多。我淨係在幾個鋪位度停留過，基本上我返左全日工，好累，人又多，所以冇咩心情睇書。基本上都係兩個會場行左一個圈，我自己就冇買到野，反而要幫Auntie Grace買D 3D貼紙，韓國製造，我在一堆少艾中間去買個D貼紙...有點尷尬，加上超級累，買完就頂唔順，有點暈。兩個會場行完一個圈，個時已經係1:37am，諗著搭通宵特別巴士走，111R，５個站返到屋企。不幸的是，我排隊排左9個字先上到車，仲要收成$14.1，掠水！唉，如果唔係我要返工，夜晚先去到，我就真係唔會咁捉蟲！上左車，開車到落車，只係15分鐘，但在上路，行返屋企又要15分鐘，返到屋企成個日已經散哂。總結，去夜書展可以用一個潮字，「膠」！

今日返3:30pm，又平靜渡過一天。

書展

本來諗著星期五晨早去書展，但最後都決定今晚先去，夜書展。呢幾日返工都見到好多人，返工都麻煩左。今日仲要開OT，今個月共開左20個鐘OT，只係多左幾百蚊使，都係唔夠用。好想野想買，但忍左手，近期真係幾手緊。第一次去夜書展，希望唔會太多人啦，今年也是自己一個去。哈，每年都話要找女朋友去，年年都要Delay個estimated time。

等待明天，Intel終於反擊推出超強CPU - Conroe。效能比現在的CPU快40%以上，絕對是革命性的產品。大家都等待著，明天又是科技的新一天。Intel有一個摩爾定律，即每18週就會更新一次製程，就會推出更快的CPU。我期待著明天的來臨，新的電腦和新的效能。記得由我細個玩第一部Apple機開始，我諗我玩電腦的時間應該近廿年。廿年過去了，硬件裝置配件不停進步，由當年幾MHz，到今天的3GHz以上，中間經歷過多少次的革命，為人類改變了生活模式。現在的超級電腦，已應用的天文學上，更準確地預測天氣的變化。由當年的DOS，到今天的Windows XP，到明年的Vista，都見證著創新與進步。由當年的56K電話線上網，到現在差不多每一個家庭也用寬頻上網，用電腦E-mail代替平時的信件，用MSN作為人與人溝通的工具。人也因為科技進步了，距離也走近了。當年的香港電訊廣告，我仍印象猶新。當年想過以視訊溝通，現在3G己經可以做到了，過多幾年WiMax(4G)也會推出市場，到時候任何地方也可以上網，任何地方也可以是辦工室，也可以是遊樂場。當年廣告的一句：只要有夢想，凡事可成真。今天，已見到當年的夢，已經開始實現了。

但是，書展還是一個人走著。我的夢，還未實現。

釘栗屎

今日第一次見到Bert Sir，平時只會在電話聽到他，真人...同想像中有點分別。希望呢兩日佢可以搞得掂Hotel D o野啦！新世界，你幾時先肯請人呀，我就黎頂唔順啦！

放左工，又搭115返屋企，瞓左一陣，約左個何官師弟出黎食飯，他也是Dennis，聽到個名，就知係一表人材啦！食飯個時，不停叫佢去溝女溝女溝女，叫佢識返個女朋友，我覺得佢的生活太Dry了，需要調劑一下。不過佢真係同我好唔同，佢真係一個叻仔，而我？只是有一點小聰明的傻仔吧。

我需要閉關自守了，否則就趕唔到８月中去考試了。俾心機！
雖然，心情仍然很爛......

心事重重

今天，完全冇心情返工，完全冇心情做野，Hea足成日，我應該想得太多了。
今天，BMA在酒店開Press Conference. 我走快了1分鐘，和周麗淇，林嘉欣無緣見面。難道我和誰也沒有緣份？差1分鐘就真的是1分鐘。

是時候問清楚她吧。無論結果係點，都應該欣然接受吧！

10樓再聚會

成晚心神恍惚，是否你有心事？

今晚真係齋食飯，好似快閃黨！

今餐好似食龍肉都冇味～

熱烈慶祝第100篇文章正式寫入

尋日去左信和，買左有生以來第一隻咁貴咁正版Game送俾人.......哈哈，我平時都係支持BT的。跟著同個friend去左女人街間日本野食飯，發覺.....原來個間野D定食都幾抵食，但我們最後都係叫左隻壽司船，幾好味，不過又要肥幾磅！本來今日做左件好有意義的活動，就係同Tinner斌斌打羽毛球。不過打左一個鐘，三個正值壯年的青年，最後20分鐘就開始採取柱躉式打法，最後10分鐘估唔到要睇著隻錶等夠鐘，等場鐘打個時，個個都歡呼慶祝打完.......對面個對情侶，打左成個鐘未停過手，左面的細路個個精力充沛，右面的老人家，個個老而彌堅。我地個場，差在未瞓低，我諗係時候要操返Fit個體能！完全唔掂呀！仲弊的時，打完羽毛球就去食大餐！咁做運動個意義係咩呢～～
食完日本野，行左陣街，跟著又去左朗豪坊個間滿記食甜品。又見到o個個勁有星味，勁靚的見習生。個女仔真係好掂，人靚，把聲仲甜過D糖水！真係要去多D食

經過以前明月戲院個個位，發覺．．．



唔知係總部搬去o個個位，定係再在土瓜灣開多個centre呢？
我愛國愛港的，哈哈！！熱烈慶祝第100篇文章正式寫入！

由上年開始寫，到現在終於踏進100篇的大日子，本來應該好快到逹的目標，到今天才完成。希望呢個只係第一個100，還有更多的100。學大家樂個句，為妳做足100分！
努力，8月中要去考CCNA啦，努力讀書！

過得簡單一點

每一次，我都會想得很久這個問題。什麼是簡單的生活？我會諗，如果可以過得簡單一點，人一定會開心點。我希望可以有一個/班朋友，可以陪我睇戲，睇演唱會，打保齡，打羽毛球，唱Ｋ，踩單車，行街食飯，睇波，宿營，遊山玩水，打牌，耡Ｄ，做Gym等......

很多東西想去做，想看看S.H.E演唱會，想去看反斗車王，想去走走這個城市。我真的想看看這個城市中，每一點，每一張細少的拼圖。當拼圖未拼到最後一塊，也不知道結局是什麼樣子。我只希望我的拼圖，旁邊的會是妳。
我願意陪你走走這幅大世界拼圖，去看看世界盡頭，去看看世界中心。

由這一刻要繼續努力，我要離開這個"新"世界！

改版

經過多個月都時間，新的版面終於同大家見面了。雖然仲未完美，但會繼續改變的！多謝Dreamwaver，由一個對CSS完全一竅不通，都可以搞得掂。我到現在都未簡掂顏色，個Comment系統仲未完善，我會繼續努力的！希望終有一天，可以吸引到我的朋友入來看看吧！

為著妳，我已經一步一步前進了。不再想得太遠了，做好自己吧！

奇怪的夢

很久也沒有試過在夢中哭過，醒來的時候，雙眼通紅。但昨天應該是第一次，夢中喜歡一個素未謀面的女仔，觸不到的感覺，很特別。可能，昨天我真的太累了。很久也沒有這麼累了，不是單是身體，真的感到身心疲累。昨天看完戲，已經exhausted了。

呢幾日突然多左好多節目，又睇戲又食飯。可惜，忽冷忽熱的你，是不是...？
我只是接受不了欺瞞......

還有，我只想對我的好朋友說，我並不介意送給朋友禮物的價值是多少，我只希望我所有的朋友，收到這份禮物的時候，會有驚喜，會很開心。雖然我知道你並不介意，但你打來的電話，我有點感覺難受了吧。

我並不知道會有多少的朋友，會看我這一個Blog，但我好多的感覺，會寫下在這一個虛擬的角度。