早更

今日6:00鐘要起身，6:30am出左門口，出發我第一天的行程。今日我選擇了行路去紅磡碼頭，跟著搭船返工。記得以前，我都是在這一條路，跑步減肥的 (當然最終係放棄了，因為我太懶)。行到碼頭，差不多有一班船，太約7:15am，返到公司剛好AM730。當然，返到公司都好眼瞓啦，到8:30am， Kenny哥(Last Day)帶左我地出去食早餐，食完太約9:30，接到一兩個Call，跟著就無無聊聊咁到12:30pm食飯，哈哈！返到去1:30pm，去左CPA整左 兩間房，搞掂之後返總部，3:30pm就可以離開，真舒服！回程一樣，搭船加行路，又可以慳車錢，又可以運動一下，一舉兩得。返到家，都係要瞓返覺了。呢 份工作真係幾少野做，可以俾多D時間我去進修一下。

明天去看Joey演唱會，記得某年應承個自己，要找個女朋友陪我一齊去看Joey。願望實驗了一半(當然只係去得成），不過只係得件美女同佢男朋友一件去，我又要做電燈膽了！！！不過好興奮，因為坐第4行！期待明天的來臨。

畢業相(中學同學篇)

今 天是和中學同學去影畢業相朝早10點就起左身，準備去PolyU同返CityU影相。第一站為PolyU，同Jimmy和Sony(嘉明又幫妮改左呢個 名，大陸意譯"索尼")。陸叔遲到，所以我地三個影左先，到1:00去食飯，陸叔阿光後Join。3:30p.m.完成Poly之旅，出發去主場 CityU。去到，Join埋阿銘同芝芝，今年7個畢業生都聚在一起了。影左幾張大合照，行左幾度地方，晚上去左旺角食日本野(大久保)，價錢嘢食都 OK，加埋最後有17人出席晚間食飯的活動，非常熱鬧，跟著走左去隔離間M記影相！！真搞笑，最後10點鐘到散，完成辛苦的一天。

返到家，想拿D相出黎，勁灰，原來較錯野，搞到某D相變左得30萬像素。勁唔開心，因為呢個係一個回憶來的。第二日返早，第一次返7:30am！

海洋公園10月全城哈o羅喂

飲完酒之後的一天，又是一個新的開始。這天約左Jimmy 阿強 Wing Tinner 包包和我共6個人，去左海洋公園玩哈囉喂。下午3點半，在金鍾地鐵站，搭的士入去(阿強阿Wing自己入)，去到個時太約係4:00，排左一陣隊，就在 4:30可以入場啦！我哋全程都講緊Jimmy點解唔買至尊門票，因為至尊門票可以用快線玩，快好多！我哋首先去左動感影院玩”妖夜列車”，不過真係冇以 前咁好玩。跟著搭纜車過左去另一邊，玩左瘋人院(本人覺得最正的鬼屋)，D鬼無端端彈出嚟，嚇Q死！玩完去左獸陣地，哈哈，又係嚇餐飽！玩完，去左玩左摩 天輪，跟著我冇玩海盜船，Jimmy同阿強仲玩左跳樓機添，佢玩完成個呆哂～！

食完野，又搭纜車返返過個邊，在纜車上面，我地扮鬼不停叫，勁搞笑！返到過去，首先玩左中國鬼先（鬼神村），跟著去左異度廢墟，最後去埋招魂古都，好搞 笑，個D鬼成日跟著哂，嚇到Tinner同阿Wing死死下，唉，點解我又係同Jimmy做一對，哈哈！不過玩呢三個都排左好耐隊，實在太多人啦！

最後睇左個用激光做出黎的Show，勁靚，驚覺科技真係一日千里！原來我FYP做到嘢係好廢的，哈哈！走個時我搭左小巴出MK，同左Tinner包包食吉野家，食完搭巴士返屋企。好開心的一天，下年有機會，我一定唔同Jimmy一隊的！！

戇鳩鳩

第二日返工，去左Renaissance Harbour View Hotel 萬麗海景酒店同CPA(我唔記得個間野叫咩），睇左做field的人的technical工作，知道了實質的運作。

人 的成長，並不是講幾句粗口，著套西裝可以做到。昨天，和一班中學同學出嚟，原來我和他們生活在兩個完全不同的世界。和我現在生活的那一套，完全不用於他 們的世界。他講得好啱，有時出黎蓬場作興，你唔可能連酒都不飲，佢話要同人解釋你唔飲酒，比起你要解釋唔飲酒，複雜得多，有時候還會俾人覺得唔俾面佢，是 否值得？我不飲酒，為的只是一個無聊而無利益的承諾，或者應該如他所說，做人應該跨出第一步，如果你永遠踏唔出呢個框框，你永遠就不會進步。原來，一個細 我幾天的人，做了兩年的Sales，竟看化了人生，還可以捉緊機，原來你發覺，你自己依然是一個戇鳩仔，當你每天認為，只要你用呢種心態，去結識多一點朋 友，總會得到利益。原來這只是我一箱情願，戇鳩鳩的想法！他真的改變了很多，21歲前經外國拿到Degree，結婚生仔離婚已結歷，月入可以近6位數字， 不會像我連差個幾十元都斤斤計較。可能我現在身邊的朋友，過的是有大學背景的生活，個個都話有錢，其實比起出面的人，我只係一個寒渲的人而已。當你發覺和 這班人一起，和每個月都要為還”關loan"的朋友，可以說是兩個世界的人。他一杯酒就可以講出這麼多的人生道理，而我？終於找到過海返家的的紅巴，回家 路上，需要時間去消化和要好好想一想自己的未來了。

走進五星酒店

返工前一天，同世傑Rebecca出左黎食飯，去左旺角食餐廳和朗豪坊食滿記甜品。估唔到對面兩位俊男美女叫左一個榴槤布甸，”香氣橫浼”的榴槤味，實在厲害，但我始終沒有勇氣去踏出第一步。

返工第一天，去到九龍灣簽約，同我一齊新做的個男仔，原來都係City人。簽完Contract之後，去左Department傾左一陣計，就帶左我地過去Grant Hyatt 君悅酒店。我就在這五星酒店的電話機房做野。不要問我在酒店有冇著數，因為我不是酒店的員工。要搵多D錢先得，我都想在這間酒店著一晚，哈哈（發緊夢！） 晚上同Kinnu和寶雯去左奧海城六鼎記食迴轉打邊爐，叫左個青咖喱和芝士湯底，勁正！唉，又肥幾磅啦！Kinnu和寶雯都冇咩變，我呢？一樣吧！

畢業了

尋日終於可以著下畢業袍了！昨天12:30返到去，拿袍，跟著同左Winny阿基個班去EXP食Lunch。3:00鐘返到City，等佢地拿袍，基本上 每行三步都碰到一個熟人，個個都傾幾句，真係好少呢個機會會撞到咁多同學仔啦。試完袍，跟著就影相啦，Yeah！遲D會開一個Photo Album係專放呢D相。4:30鐘附近去左食Tea，食左個豪華大餐，5:00想離開城市大學，碰到hedi，又走左去小谷同阿權Beverly等人吹 左一陣水。跟著Dainel電話call，跟著又走，又撞到阿俊阿豪阿品等人。哈哈，真係咩人都見過哂啦！坐返2號小巴離開，好懷念以前的生活。希望以後 的生活更開心吧！！

今天瞓得唔好，瞓到一點先起身。唔知點解周身痕，個屎忽仲特別痕添，哈哈！

總領袖生

前晚瞓得極差，要到2點先瞓得著，仲全程發埋D無聊白痴夢！唔知點解會夢見自己變左做科學家，仲要研究核突生化魚！個條魚D色好似”深海奇兵”的魚咁，但 係個樣極其核突，搞到第二日冇哂精神！起左身，去左斌斌度整電腦，極其順利，食完飯，返家瞓一覺好的！食完飯，打左陣機，跟著又著手研究我的Blog了。 今次加多咗個留言版．計畫將會新加功能有：Blog Radio和Blog Photo。希望多D人會看我的Blog！繼續改善版面～

其實呢個都係前日諗到的，就係在新聞中，黃仁龍先生出任律政司司長。新聞介紹他的生平，其中，他的中學時期，82-83年曾經在皇仁擔任總領袖生，又講他 出生低下階層，發奮圖強，終於有今天的成就，是一個好好的香港故事。跟著我就諗起我們偉大的總領袖生Jimmy！葉先生在00-01年在何官擔任總領袖 生，鍾意打牌，唔知佢有冇發奮圖強，最後會唔會出人頭地！哈哈！可能20年後，Jimmy會上電視呀，說他的香港故事！

今朝睇Yahoo新聞，城大又上頭條，「 胡應湘城大生互罵可恥 校慶晚會 示威爆火」。只是互罵，不是互片，有點可惜。唔係我一定飛的黎增援，哈哈！今日將會返城大影相，今晚再寫吧！

隱蔽青年的一天

今日真係做左好多野！Lunch過左去同Winny（大學Hallmate)食飯，為左好最愛的Joey演唱會飛，第4行呀！好感動！我哋去左Super Sandwich 食飯，點知撞到April（我的中學同學），咁就一齊食。哈哈，呢個世界真係太多巧合！不過要講番我黎的經過，我諗著等架平D的巴士，點知一等就等左20 分鐘，最後都係要搭架貴巴士！搭到去碼頭仲要剛走左班船！前後近浪費左40分鐘！由今日開始，我決定不再優柔寡斷，想做就去做，唔可以再錯失任何時機！
下午返左家瞓覺，昏迷左兩個鐘，好舒服！之後出左旺角同Daniel食飯，佢真係好鬼搞笑，上至國家大事下至不文笑話都傾一餐，去左沙嗲王食，我們坐在一 個浴江中食飯（不是鴛鴦戲水），勁搞笑，兩個男人坐D咁到位食飯！食完飯，行左一陣旺角，跟著就解散。同Winny一樣，最後嗰個對白是：「星期6再見 吧！」哈哈！

今天打左俾今年畢業的7個何官7S戰友，約定11月30號一齊影畢業相。返到家之後，就用我僅有的中文程度，打左篇E-mail約人，仲起哂底添！

畢業生：
Jimmy (PolyU) BSc (Hons) in Building　Surveying
陸叔 (PolyU) Physiotherapy - BSc(Hons)
芝芝 (CityU) B.Eng. (Hons) in Materials　Engineering
淫光 (HKUST) BEng CPEG
April(PolyU) Accountancy - BBA(Hons)
阿銘 (CityU) BEng (Hons) Electronic and　Communication Engineering
阿昶 (CityU) BEng (Hons) Electronic and　Communication Engineering

希望各何官同學和梁嘉敏小姐可以抽空影相。

始創中心

今日約左Katherina食飯，去左始創中心三樓，自從宜家傢俬執左之後，我都未去過始創中心啦，個度變左好多，多左好多嘢賣，我地去左間食越南野叫” 嘗越”，D嘢食真係幾好味。傾左好多野，不過到現在都未知畢業個時個情況應該係點。行左一陣MK，上小巴返屋企撞到阿媽，搭車個時又收到Winny電話， 話Joey個concert我係坐第4行！OH!明天去拿飛～好開心！期待11月1日的來臨！

返到家，瞓左一場午覺，食晚飯，無無聊聊又一天～

舊同事

今日晚上去同D舊同事去唱K,要去度荃灣咁遠，人生路不熟，完全唔識行。我６：３０已出左門口，諗著去找去荃灣個架小巴，但找左半個鐘都找唔到！原來個段 時間放工，架車會行唔同地方的！搞到我7:40分先去度荃灣！不過荃灣GreenBox真係幾好，不過真係遠，唔該浩哥，祝佢前程錦繡。同班同事真係可以 玩得埋，大家都係差唔多年紀，所以玩得好開心！希望第二日都有機會吧！個間公司同事真係好好人，可惜是我不喜歡這份工作吧！唱完K，剛好12:00，去找 返個架小巴，我係最後一個人，上完立即開車，20分鐘就返到土瓜灣！！！超快，仲快過我出旺角！第時約下權權去食飯先～～

NaNa

早上去了Canon整部相機，11點去度，等左一陣，佢話部機唔使錢整，連其他壞左的地方都唔收人工（過左保養好耐），不過佢話部相機零件缺貨，要等成2個月！！都係要物色定另一部機啦！要買一部Prosumer的機！
今天又搞左半日個Blog，最後都係一樣，基本上咩都冇變過，哈哈！因為都係鍾意依家呢個介面，遲些先大改吧！

看完11集Nana漫畫，雖然畫工不是很美，但故事極其有趣，仲有點意義。期待電影版的來臨，說真的，中島美嘉的做型和漫畫中做得一模一樣，另一個Nana也是，真的想看這一套戲。

我們仨

不想一口氣犧牲三個.......

今 日又留在屋企發悶，是時候改變一下了。下午搞左兩個鐘個Blog，諗著改善下版面，點知搞唔掂，最後 又冇變過，哈哈！如果真係要變，可能會改用 Xanga，但係自由度又會大減。Blogger真係一個唔錯的Blog，佢用Unicode，所以任何Windows睇都唔會出亂碼，同埋佢個版面給自 由度極高，只要你識HTML的話，就可以隨意改動，可惜我道行未夠高......身邊太多朋友用Xanga，遲D可能真係試下。

更新返我個MSN，原來我一直都整左個錯的名！

二天假

星期五個日，早上無無聊聊咁執屋，因為病的緣故，成個朝早的唔知做左Ｄ咩！執下，訓左，到晚上帶著病去見我的的十樓。有d人好耐冇見，阿葵阿Cat個D都 好耐冇見，能夠約返出黎，都係一種福氣。我地去左九龍城街市上面的熟食檔食泰國野，勁好味！有機會真係要去食多次。之後本來大家去旺角飲野，但病重的我， 到底還是回家休養好。那天的我，由土瓜灣行到九龍城，再行回土瓜灣。回家路上，回想過去，一邊想，一邊走，回到家中，也未有答案......

今日呢，到o係休息，咳同尋日差唔多，食左藥，但未見好轉。下午飲完茶，全家去左豐澤睇相機，因為舊個部瓜o左，但睇唔o岩，返左家，Check下有邊部新機可以換的時候，發現左一樣野，就係我地部A70原來因製造缺陷，可以拿返去免費整！YEAH，唔使換相機啦！！

仲有，等我在呢度寫低，唔係之後唔記得，”阿基還錢！”哈哈！

想有一個人可以陪我睇戲。

Resign

今日終於Resign左，主要原因係我唔在呢間公司浪費時間。第一，我真係唔適合做Sales，第二，我即使留在這都不會長久，所以都係和平分手會好D。多謝一班同事，佢地好好人，因為大家都同年紀，可以傾得埋。或者，是我太任性吧！
入到房同老細傾，問我點解走，我話我唔適合做Sales，佢話好多Technical野做，叫我考慮下，但我覺得呢間公司已經有Technical的人，我唔可以同佢地爭野做。

返到家，終於鬆一口氣！

希望與失望

今日見工，都幾失敗。都係緊張啦．．人家問你有咩長處，都諗唔到ｄ咩。唉！多一個希望，變左一個失望，灰！晚上又知道，１５號哈o羅喂的門票全部售完！Double Shock!!!搞到要買第二日啦！Cheap Jim!!!!
今日冇咩心情做野，又打機。今日係sick leave，係唔係好應該在家休息呢？

重陽節

今天放假，在家休息半天，原本去斌度整電腦，最後cancell左，返家休息到5:30，去太古城賣走拍賣品，諗著去UNY睇下有冇禮物o岩用，點知睇中 個D都好貴，最後咩都冇買就返左屋企，明天見工，希望成功啦，唔想再做Sales了。今日經過零食物語，好想買返個隻朱古力，但找唔到。

今日俾返部相機阿強，講起星期６去海洋公園全城哈o羅喂，佢好興奮，搞到我都好想快D去！

博弈論(Game Theory)

從不知那時開始，我就懂得呢個名詞，當聽到商台用”遊戲理論”的時候，感到香港人的語文水平和知識真係下降了，連這個最出名的理論他不知道有一個專有中文 名。我都唔知點解中文名會叫做博弈論，可能是中國人喜歡捉棋這個遊戲，常常說：「世事如棋」，所以用這個名吧。如果我冇估錯，我應該係看衞斯理小說時學識 這個理論，簡單來說，就是要預測敵人的行動，從而走出最好的步法。其數學理論包含概率，在最大的機率下得到最大的利益。要計算很多，才可得出結果。

我就不懂得去玩，所以人生就真的太失敗。如果可以的話，我反而想了解”混沌理論”多一點。今天返工，打完電話，放工幫手整機，整到６：４５～返到家都８點！真慘情。如果可以選擇的話，我想做一些Technical的工作多一點～

Chester生日

今日9點幾就醒左，做左一輪野（但我都唔知自己做緊咩），到一點就約左斌斌去買DVD-ROM。買完，去拿部電話去整，去左個間野三四次，次次都話未整 好，去左新之城留下打機，又去左仙踪林飲野，卒之到左五點尾先有得拿電話（只係Upgrade個firmware罷了）。因為之後約左Beverly阿權 等人出黎，去左朗豪坊行左一個圈，再會合阿權，最後都係買唔到禮物，淨係買左個蛋糕。去左樓上Cafe，大家傾計吹下水，開開心心，咁又過左一日。祝 Chester生日快樂，希望在我生日的一天，我可以開開心心，有一班人和我慶祝就好了。好懷念以前的日子，可能因為工作得極不開心吧。如無意外，我會在 一個星期內resign。

做人做緊要係開心，同埋對得著自己。我現在不開心，但願不會太久。我只喜歡一個人，遠在天邊一個人，我想前進，但我希望兩個前進，我不想孤獨一個人了。

新生活

我找到工作了，但做得不太愉快。應該兩個星期內會離職的，一來離屋企好遠，又要轉車，二來做自己不鍾意的工作，人工又唔高，好辛苦，儘使個度ｄ人好Nice，但係都好辛苦。日日返到家都好累，又唔鍾意自己的工作，幾煩！！快ｄ俾我找到另外一份工作就好啦！

之前一口氣買左三本漫畫。買左一本封面極美的漫畫，用粉紅色配上美女小夕，不買對不住自己！