青藏鐵路 斷背山吹暖風

我真係好想好想搭下青藏鐵路，感受一下高原的感覺。識我D人都知道，我幾驚坐飛機的，所以有機會，我真係想全程坐火車，到逹西藏這個地方。突然好想感受這個世界，想感應這個世界。

之前有一天，走在馬路中，當那輛巴士走近，剎那間很想走出去。我才發覺，我連死的勇氣也沒有，還是，我在人世還有價值？這個我也沒有答案。我相信有因必有果，但原來有因未必有答案。我的身不疲，但心很累。

我曾經話過，要買哂所以fiona的CD，但之前個隻都係冇買，今次個隻實在冇意欲去買添。因為Ｄ歌實在太古怪，一首糖不甩，填詞已經非常古怪，再加上首小硤谷之1234，都唔知首歌想表逹D咩，連聽都聽唔出佢唱緊咩，究竟咩係小硤谷？不過薛海琪就真係小硤谷黎的，哈哈！不過我一定鍾意小硤谷多過大鴻溝的，HAHA。仲有個句斷背山吹暖風，就真係唔知佢想講咩啦，不過用左個新買的耳筒，聽呢首咁騎呢的歌，真係幾有風味！下次唱K必唱的歌！

今日返工個時，見到前面一對情侶，男的很細心，我想我欠缺的，就是那種細心和勇氣。所以我...應該要死心了。

大嶼山Camp

今天暑假，終於可以去Camp了，2日1夜行程豐富，去左海灘觀察生態，跟著去左大澳食海鮮，去左石壁行山，最後去左昂坪睇大佛加纜車...個門口，去左市集。未有上去行大佛，未有在大澳買蝦醬，未有鋤D到天光，留有一點遺撼。但完美的故事總不是吸引，留有一點遺撼才值得欣賞和回味。

這個行程，直到最後，我也沒有答案，妳呢？

我只怪我自己

本來我想暪著她，但始終難掩我的失望。我真的很失望，為什麼她總是忘記我的存在。今天，我只怪自己，好憎自己。

我想，由今天起，真的需要去改變，直至她的視線會落在我身上為止。

今天完全投入我的工作，到10:30pm先有時間想一想，飯也未吃，但已經沒有心情去吃了。

天水圍的旅程

淨講今日，今天深入不毛，到逹天水圍的西北地區，Cheap東之家整電腦，病徵為開機CPU變成Full Load 100%，原因：一定佢睇得太多咸網導致中哂病毒，原本的Norton防毒已敗陣，新裝的NOD32雖然能夠找到，但已病入膏盲，當再Boot機之後，連安全模式也救不了。唯有重裝Windows。所以，希望佢以後做足安全措施，哈哈！

11:45pm在天水圍最快返到屋企的方法：搭69X再轉6C，可惜我去到旺角已過了10分鐘，搭唔到尾班6C，唯有搭紅Van。諗過好多方法，夜晚走真係幾煩，屯門61X就11:20在屯門西鐵站出發，或者搭西鐵在美孚轉6C，但要在12:10am之前去度，一係搭269B返紅磡碼頭前轉5C，但唔知幾點收車。Cheap東話天水圍多靚女，不過要等多357年，哈哈！

俾我知道欣爺都拍緊拖，差Jimmy同我.......HKLA最後的兩個戰士。明天再續。

我吻著你同步呼吸這一口氣
那怕是雲層上最薄的空氣

這個星期

這個星期其實發生左好多事，但因為冇時間，所以冇寫到出黎，今晚要一次過記番所有野，寫返哂出黎先得。

７月３１日，中國情人節，但又係在公司過！跟著約左侃侃食飯，順便慶祝埋佢生日，去左金太郎食野，講起心事，大家都睇黎有壓力同煩惱。佢真係肥左，睇黎食蘋果同做蘋果真係差好遠，哈哈！

８月１日，我真係唔記得我做過咩，應該冇咩特別，放假一天！

８月２日，很平靜。很久沒見她了，不知她近況如何？同埋被人捉左返世和公司總部聽Talk，知道左D新野，又學到野！不過，可能係我最後一次返總部啦！

８月３日，３號風球下，心情同出面環境都其實掛緊８號風球一樣。天文台今次真係應該出黎食下風順便食埋屎！咩料呀，咁勁風都唔係８號，真係俾佢吹脹，唔係平均風速逹標。我真係想問下天文台，有幾多次８號係平均風速逹標的？

８月４日，同Tinner去睇左魔怪屋，點知我入到場先知係粵語版，冇字幕，加上我覺得真係太低Ｂ，所以睇完好灰！跟著在奧海城食左個韓國野，幾好野幾抵食，兩個人都係$110，仲食唔哂添，我仲講左俾Tinner聽我有鍾意人，跟著又到我地講次次見面都要講o個句野「你死心啦，我唔會鍾意你啦！」發覺原來低B都可能都會傳染，下次記得叫佢食左藥先好出街先，廢事又傳染人，哈！
不過我想講，認真的，我都好想對她好，但她總是對我忽冷忽熱，這種感覺，真的很難受！

８月５日，最開心係去睇左容祖兒音樂會，新城搞的音樂會，有羅志祥加泳兒加新Boy'z，小豬跳舞真係幾勁，泳兒唱功真係幾好，但新Boy'z真係超級唔掂，仲有一個叫Dennis，影衰哂個名，哈！今次又坐到幾中間，都見到Joey個樣，我真係好開心，又可以睇Live！多謝你，[ ca" ]！真係好開心，真係！！好鍾意演唱會的感覺，有機會再找你一齊看～

８月６日，整好左兩部機，一部條Ram死，一部中哂病毒。兩部機都俾我KO左，黎緊仲有兩部要整！識電腦有個好處，真係當有人需要你的時候，佢就會打電話俾你啦！好在，自己還有一點長處......

今晚是七月十四，公司中渡過。