在269C上的壓力

我已經搬回元朗了，但元朗真的很冷，比市區冷，終於也冷病了。天氣冷亦不及人心冷，身子病不及心裡病。我已經很累了......真的很累

幾日之中，只有一日直接從公司返屋企，見到返天水圍的269C，就上車再轉車。但全程都要同自己講，唔可以瞓，一瞓左就返唔到轉頭。壓力源於自己，但冇法消除。解決方法？下次都係搭返o岩巴士就可以了。

我會實踐我對自己的承諾，但現在的我，很想痛哭。回不了過去，唯有隨風歸去吧。

充實的一個星期

星期一放假，留在家玩Switch做實習，平靜過了第一天，雖則第二日返到去做到隻狗。
星期二上最後的英文堂，決定暫停英文的學習，因為實在太忙，沒有太多時間去分心咁多方面。
星期三同五都係開OT....開到10點同11點，雖則加左人工，但唔夠食飯。
星期四看最愛的Joey演唱會，雖則在背面轉角而且前面的人頭阻著，但無阻興奮的心情，狂熱的氣氛，特別的嘉賓，真係好感動。多謝兩個人，一個Winny， 我以後都唔會再煩妳，今次真係唔該哂。一個Patty，能找到另一個識咁多Joey歌的美女，相信無出其右了。放心，妳結婚個日，我一定準時到，記著！我要坐國泰空姐團的那一圍，記得留返個靚位俾我。好耐都未試過咁放鬆咁開心了，現在真的太大壓力了。
星期６再OT，之後上CCNP，讀到死，超級累，瞓左好多次，遊魂去左好遠。
今天瞓足覺，去睇左長江7號，如果你問我，我其實覺得唔好睇，只係隻狗真係好得意。因為冇期望，所以冇失望。想買條牛褲，但最愛的Chevignon冇我鍾意的淺黑牛褲。人一世，物一世！好，有時間去買條evisu扮下潮童先！

決定提早搬入元朗！目標年初4 or5！我要有靠於自己的空間，唔係要背後一個唔係我的掠衫架同腳底係一堆廢物！搬左入元朗之後就以後唔會搬返屋企，所以要努力搵錢搬出黎。