神秘聚會

我會行路去紅磡，之後搭船，共需$5.3，即係來回只需10.6...諗返起，自己有D似舊老細，越黎越縮骨！

尋晚參加左一個神秘聚會，發覺......

黑超畢業相

黑超畢業相
Originally uploaded by 寧靜風.

現在測試中！！

OT

昨天，我渡過了一個最平靜的下午同晚上，其實可算是沉悶。但我還是接到上頭Order，要我留在電話機房，等其他師父來，學習一下其網路的運作。我真的有 點想當一個網路工程師，看著那些Router和Switch，今天，我很想去讀回CCNA，和考回我的MCSE的資格。總有一天，我會追趕到你的。不過， 我到清晨4:00才可以離開Grand Hyatt，已程半死狀態......

Carmen那一句，「就這樣開始了」。
只需一句，已勝千言萬語。
和她同年同年同日生的你，那一天才會出發？

熱水

今天早上，我感覺很冷，我用熱水花灑沖涼時，我未有一刻停過熱水。當熱水灑在我的身，我才感覺到一點溫暖。我不想有一刻停止，因為我的心，好像被冷藏了。

回到公司，又是我一個人，坐在五星級的電話機房，等待著工作的來臨。上一間公司，老細帶給我的前途非常冷的感覺。今天，新公司的環境，一個人的無奈，十五度的電話機房，和獨個兒去吃飯的滋味，都帶給我很冷的感覺。這一刻，我只想有一個人，可以帶給我一杯熱水，那我就可以捱下去。

星期天，約了成班Hallmate影相，回到十樓，真的給我一個家的感覺。我只想簡簡單單，開開心心去過我的生活。能夠和一班朋友，傾談往事，風花雪月一番，己足矣。

花月庭

星期五六都放假，我都唔太記得自己做左Ｄ咩野啦！星期日就約左親戚一齊影相，加埋我成20人，大伯二伯四叔阿爺阿嫲姑姐全部黎哂，基本上都影唔到咩相，淨係可以在城大廣場影，影到6:00pm之後再一齊搭火車去帝京酒店花月庭食自助餐。個度環境唔錯，Ｄ野食仲幾好味添！唔知係唔係細食左，好似食左好少野就飽左。我推薦呢間野，如果有機會一定會再食一次。食完，提早返工。放假後第一天返夜

畢業典禮

畢業典禮個日，基本上好多野可以寫，但因太累而冇寫。個日玩完鐵人賽，返到家都半死，所以冇寫。簡單講下個日情況，個日返完工，搭船過尖咀再飛啲返屋企，9:00鐘再出發，返到去，著完袍，阿爸阿媽就入去先，我自己另外坐。上台之前，我地跟姓氏黎排隊，佢俾左張紙，叫我地快ｄ，同校長Bow完之後，就走過去同Professor握手，之後就要落台。本來都冇咩問題的，但係到我地Department個時，到Pro. Luk出黎講人名，個時佢仲要講中文名，心諗死啦，佢會唔會識讀我個名。點知不幸言中，佢真係讀錯我個名，但係又唔可以唔上台，真慘，畢業都要俾人改埋名！典禮之後，我同屋企人食完ＥＥ的Tea Buffet，就影相，影完太約3:30pm，超級累，返到家就昏迷了。這一天，最緊要係記著，Pro. Luk讀錯左我個名！永遠不會忘記這一天，因為大學畢業一生人應該只得一次。

走上星途

「頑強地進攻　爭取那認同 如朝朝代代每個不朽烈士奮勇
就算麥當娜　明白我勇敢上台去承受你麥當娜一吻
是我太感性 或太聰明也就好勝
不如盡快承認你不夠味道
讓這灰色衫小姐　告別南瓜車下次再有人來接 但願是新娘的花車
誰迫我做個可憐蟲 可惜我未知痛
問你這夜最後 送誰回家 我信那個會是我
濕身了吧 就到你家可不可 開一開門 逃入你家．．．」

儘使她壞，又如何？女人不壞，男人不愛。不過，這一刻愛上可愛的你，那個才是你的真面目？你是天使，還是魔鬼？

還有４小時，畢業典禮就要開始了。現在的我．．．．．是什麼樣子？

香港早晨

返通宵更的第二晚，我帶左個”咕臣”返去，諗著訓得好D，同埋帶多件毛衣，因為電話機房實在太凍了！訓到5:00AM，睇左陣報紙，行左陣，我估都就天光了，但係我在電話機房，過著終日不見天日的生活。

我部電腦終於重生了，但係好多野都Downgrade左，由2.4G變左做1.8G，RAM由512DDR變左做256SDRAM！不過高手的我出手，冇問題！

我諗我要開始努力找個另一個留言版了，因為它支援中文不太好，成日出亂碼！

超級累

不是我懶，但是上個星期真係好累，所以差不多一個星期沒有寫Blog。因為太多野做，每次返到屋企都冇時間去寫。記得上個星期冇咩特別，上星期五個時返左City影相，找左阿Ting，影完之後去左尖咀食野，我地去左Our Wonderland，跟著去左Sogo行下陣，跟著搭火車去左旺角買花。星期６個日，下午又返左City影相，同左D大學同學影，之後同返小學同學影！晚上去同親戚食飯，（阿嫲生日）。星期日就在家瞓，下午去左旺角拿西褲，之後去左尖咀買畢業公仔俾銘銘。

星期一，因為塊底版壞左，所以冇電腦用，下午去左黃金買左個Keyboard（有多塊板可以試），但最後都係失敗。看來都係要買過塊版了。晚上去同Winny睇NANA（皇室百老匯），入面D角色真係勁似啦！但要看過漫畫先會明白這套戲講咩。睇完，去左睇漫畫，之後就返工！第一天返通宵，我打完呢個Blog就會瞓啦．．．哈哈．

晚上好多時間俾我用，我要練好D英文！！！

容祖兒演唱會

唉....又要重新打過!酒店每24小時又要Login一次，打完D野冇哂，搞到我勁灰！

尋晚去左睇Joey演唱會，勁開心！遲D會補返D相。在都會食完晚飯，就入場了，我同Tinner同包包都好開心好興奮，超級好睇，全場冇悶場。今場演唱會有三個嘉賓，一個係Kenny，一個係我次次去演唱會都會見到的李克勤！最後一個神秘嘉賓─小鳳姐！全場興奮到極點！其中一個環節係請男Fans上台Joey一齊唱，跟著仲有三分鐘Solo！個男仔擇左”阿門”，憶起我很多的回憶...『即使我們錯，不比他們多』。另一個環節係就擇一對對，在營幕面前咀咀，可惜在我身旁的並不是她。今次真係得好近，當Joey行過來，我係完全望到佢個樣！

我覺得好好睇呀！有機會的話，我一定會再看Joey演唱會的！全場一起唱「心淡」的感覺，真係好正。