寧靜風．昶．旅程: Charlie and the Chocolate Factory

Wednesday, August 31, 2005

Charlie and the Chocolate Factory

Charlie and the Chocolate Factory，中文名竟翻譯做"朱古力掌門人"，差點就睇唔到呢出戲。對我來說，呢出戲的意義真係幾大。Charlie and the Chocolate Factory（查理與朱古力工廠）是我第一本在紅蘋果借的圖書，個時唔知幾多年班，第一次去圖書館，第一本就是這一本故事書，個內容到現在我都仲有記憶，所以比華利講起，我腦海就不停回憶。點解佢講的劇情咁熟？我肯定看過呢本書，諗左好耐，返屋企找下資料，就知道是什麼。幸好美女Tinner（她聲稱，但冇人同意）抽空陪我看，等我唔會後悔。每個人都有他的童年，這一本書就是我童年的一部分。可惜現在入戲院，已少了當天那一份童真，和多了幾分的牽掛。畢竟這"朱古力掌門人"是個童年的回憶，其情節也和當年看的一本書差不多，看完也心滿意足了。下一套應該係哈利or電車男了，一定要找個美女陪我看先得。

今天返左City，門口多左兩幅中國畫，可能我唔識欣賞，我覺得好核突！開個Locker，找番PS Chung俾我的Frsnel Lens！人都Grad左，仲未還，死咪！我遲ｄ要寫番封E-mail多謝佢，同埋還返俾佢。

講返之前幾日做過咩：
有一天約左阿俊等人去打邊爐，６個男人，不停講賤野，但係真係幾開心！跟著去左網吧打機。
有一天慶祝阿權生日，去左間Cafe食野，個waitress態度超差，野又唔係好食，仲要俾車利同比華利串，超灰！！
那天的前一日同比華利去擇禮物，１個半鐘佢用左１個鐘以上看自己的野，勁！
有一天做隱蔽青年，在家打Yahoo!麻雀，食左舖１３么自摸，勁！
見左一份工，都係等消息，個度有個何官師姐，不過唔知係邊個，不過幾靚。同日約左余倫出黎講買保險，但ｎｏｗ未係時候，冇錢～
好似有一日約左阿強等人出黎食飯，去一本，三文魚壽司一碟只係４元！超抵。

posted at 3:15 AM by Nokia 5800與我