世界波

4年一度，世界盃終於開始了。尋日開左OT，同埋第二朝要開工，所以在屋企睇揭幕戰。德國隊入４球，２球世界波，最後個球，令我諗起黃興桂的一句：「有今生，冇來世呀！」勁搞笑！在９點３０返到家，我們的第一部電視戰敗，好在我們仲有部後備，在我書枱底的一部幾經爆炸，又被我老豆整返的老電視。搬左去廳，駁好哂，又真係睇得番，唔果唔係真係幾慘。不過經過整日的工作，已經超級累，好在冇咩悶場，唔係就瞓梗。不過，不知好運定不幸，在９０分鐘完場之際，電視出怪聲，跟著出火花爆炸，成個屋充滿燒焦味。好彩就完場，唔係屋企會有血案都唔定！！爆炸個時，我都唔夠鎮定，應該第一時間去關電視，但我有反應，但在關電視的一刻充滿猶豫，最後都係由老豆按左掣。唔夠冷靜，失敗！

依家仲要搞緊銀行ｄ白痴數，問左個答案超奇怪。星期一再問過，好在講左唔使我交罰款咋！呢期要買幾份禮物俾friend生日，又要世界盃，我褲頭已經勒緊了，減肥嘛！哈哈