膠

尋晚去左夜書展，我感到非常後悔。我11點半先放工，因為封哂路，所以我要走到出入境事務處，再走天橋入返中環廣場，再排長龍到鷹君中心。原來發現我係有捷徑走的，走左遠路，12點先排到隊。排左半個鐘到，應該係近12點半就入到去，但入面人實在太多，書就少看，只係看人多。我淨係在幾個鋪位度停留過，基本上我返左全日工，好累，人又多，所以冇咩心情睇書。基本上都係兩個會場行左一個圈，我自己就冇買到野，反而要幫Auntie Grace買D 3D貼紙，韓國製造，我在一堆少艾中間去買個D貼紙...有點尷尬，加上超級累，買完就頂唔順，有點暈。兩個會場行完一個圈，個時已經係1:37am，諗著搭通宵特別巴士走，111R，５個站返到屋企。不幸的是，我排隊排左9個字先上到車，仲要收成$14.1，掠水！唉，如果唔係我要返工，夜晚先去到，我就真係唔會咁捉蟲！上左車，開車到落車，只係15分鐘，但在上路，行返屋企又要15分鐘，返到屋企成個日已經散哂。總結，去夜書展可以用一個潮字，「膠」！

今日返3:30pm，又平靜渡過一天。