兩個星期的頹廢生活

10月9日，對眼勁唔舒服，返完工約左６叔食飯返屋企休養。
10月10日，第一次請病假，起身隻眼超級痕，每一年都會有一次咁，頂唔順，打電話請左假。醫生的Diagnosis寫上acute conjunctivitis，食左藥加滴眼水，好返少少。
10月11日，繼續返工，但已經冇心情同冇精神，身心疲累。留在此已經冇意思，為左咩而留低？
同日，走左去信和買左隻勁想玩的RPG Game，空之軌跡。揭開頹廢生活的序幕，但我並不後悔。
10月12日，返完工之後就返屋企勁Boil隻Game，挑戰眼球的極限。
10月13日，約左Daniel睇戲，放棄與一個我鍾意的女仔食晚飯的機會。我.......（無言）
10月14日，放假，整天對著電腦打機.......
10月15日，因為我的失誤，而令JimJim唔開心，我感到非常抱歉，發覺自己真係非常大意。那天，我真的很想找她去。那天我去了海洋公園的哈囉喂。
10月16日，繼續打機．．．．．．工商招股，希望抽到一手。
10月17日，和昨天一樣。
10月18日，比昨天好，因為經過多日的作戰，終於打爆機了。但發覺呢幾日失去左好多野，電話也不願接，平時寫開的開支表也沒寫，連日日都看的報紙也沒有看。
10月19日，約左Chester權&Beverly食飯，發覺最需要轉工的是我。我要下定決心了。去左小南國食野，都唔錯。
10月20日，3983終於到逹$3的價位，証明自己眼光都冇錯，但決定要謹慎一點了。很久也沒有到新城市廣場，發覺變了，妳也一樣吧？

妳有什麼願望？我願意去實現妳一個夢想。